​ iPhone 7 នឹង​​បំពាក់​បន្ទះ​ Chip A10 ដែល​មាន​​ CPU ៦​គ្រាប់?

ទូរសព្ទ​ iPhone 7 នឹង​​បំពាក់​បន្ទះ​ Chip A10 ដែល​មាន​​ CPU ៦​គ្រាប់?

 

25 Sep, 2015

ជុំវិញព័ត៌មានiPhone, ព័ត៌មានបច្ចេកវិទ្យ

បន្ទះ ​Chipថ្មី​ A9 និង​ A9X ត្រូវ​បាន​គេ​ប្រកាស​នៅ​ក្នុង​កម្មវិធី​ប្រចាំ​ឆ្នាំ​របស់​ក្រុមហ៊ុន​ Apple ​ដែល​បាន​ប្រព្រឹត្ត​ទៅ​កាល​ពី​ពេល​ថ្មីៗ​នេះ។ ដោយ​បន្ទះ​ Chip A9 គឺ​ប្រើ​ប្រាស់​លើ​ទូរសព្ទ​ iPhone 6s និង​ 6s Plus ចំណែក​ A9X គឺ​ប្រើ​ប្រាស់​លើ​ iPad Pro។ ហើយ​ទើប​តែ​ថ្មីៗ​នេះ​ គេ​ទទួល​បាន​ព័ត៌មាន​មួយ​ចំនួន​ពាក់​ព័ន្ធ​ទៅ​នឹង​បន្ទះ​ Chip A10 ដែល​មាន​លក្ខណៈ​ពិសេស​ជាង​មុន។


​​​​

បើ​យោង​ទៅ​តាម​ប្រភព​ពី​ប្រទេស​ចិន​បាន​ឲ្យ​ដឹង​ថា​​ បន្ទះ​ Chip A10 សម្រាប់​ទូរសព្ទ​ស៊េរី​ថ្មី​ដែល​អាច​ជា​ iPhone 7 នោះ​នឹង​មាន​ CPU ដល់​ទៅ​៦​គ្រាប់​ ដោយ​ Chip A9 មាន​ CPU តែ​ពីរ​គ្រាប់​ប៉ុណ្ណោះ។ ប្រភព​បាន​បន្ត​ទៀត​ថា​ CPU នេះ​អាច​នឹង​មាន​ទំហំ​ ១៤​ណាណូម៉ែត្រ​ ឬ​ ១០ ​ណាណូម៉ែត្រ ​ហើយ​អាច​នឹង​ផលិត​ដោយ​ក្រុមហ៊ុន​ Samsung ​ដែល​ជា​គូ​ប្រកួត​ប្រជែង​ដ៏​ធំ​មួយ​លើ​ទីផ្សារ​ទូរសព្ទ។
ចំពោះ​បន្ទះ​ Chip A10 នេះ​គេ​រំពឹង​ថា ​នឹង​ធ្វើ​ឲ្យ​ទូរសព្ទ​កាន់​តែ​មាន​ល្បឿន​លឿន​ជាង​មុន​ ព្រម​ទាំង​ធ្វើ​ឲ្យ​ក្រាហ្វិក​កាន់​តែ​មាន​ភាព​ល្អ​ប្រសើរ​ផង​ដែរ។ អ្វី​ដែល​ពិសេស​នោះ​គឺ​វា​អាច​នឹង​ធ្វើ​ឲ្យ​​ទូរសព្ទ​កាន់​ថ្ម​បាន​យូរ​ជាង​ មុន​ ជាក់​ស្ដែង​ដូច​ជា​បន្ទះ​ Chip A9 នេះ​ជា​ដើម។
​
គួរ​បញ្ជាក់​ថា​ ប្រភព​ព័ត៌មាន​គឺ​ទទួល​បាន​ពី​មនុស្ស​តែ​ម្នាក់​ដែល​​ធ្លាប់​បាន​ចែក​ចាយ​ ព័ត៌មាន​ពី​​លក្ខណៈ​សម្បត្តិ​របស់​បន្ទះ​ Chip A9 មុន​ពេល​ដែល​ចេញ​ជា​ផ្លូវ​ការ៕