ចាន់ វឌ្ឍនាកា វាយបកពីរគ្រាប់ជួយបឹងកេតឡើងលើកំពូលតារាង
25 Sep, 2015
2 Comment (s)
កីឡាករក្រុមបឹងកេតអង្គរ
កីឡាករ ឃឹម បុរី ជាអ្នកជួយឲ្យក្រុមណាហ្គាវើលនាំមុខមុននៅដើមតង់ទីពីរ ប៉ុន្តែរំលងបាន ៩នាទី កីឡាករ ចាន់ វឌ្ឍនាកា ដែលទើបប្ដូរបានបំប៉ោងសំណាញ់ទីតាមស្មើ ១-១។ ជិតចប់ការប្រកួត កីឡាករ ចាន់ វឌ្ឍនាកា ដដែល បន្ថែមបានមួយគ្រាប់ទៀត ជួយបឹងកេតអង្គរយកឈ្នះ ណាហ្គាវើល ដោយលទ្ធផល ២-១។
ជ័យជម្នះដ៏សំខាន់មួយនេះ បានជួយឲ្យក្រុមបឹងកេតអង្គរមាន ៤២ពិន្ទុក្នុងដៃ ឡើងទៅឈរលើកំពូលតារាងបណ្ដោះអាសន្នក្នុងសប្ដាហ៍ទី១៨ បន្ទាប់ពីក្រុមជើងឯកឆ្នាំចាស់ភ្នំពេញក្រោនចាញ់ក្រុមបាតតារាង គីរីវង់សុខសែនជ័យ ១-២ នៅថ្ងៃជាមួយគ្នា។
ក្រុមគីរីវង់សុខសែនជ័យជាអ្នកនាំមុខក្រុមម្ចាស់ផ្ទះភ្នំពេញ ក្រោនមុន ដែលធ្វើបានសម្រេចដោយកីឡាករ Akeeb Tunji Ayoyinka ប៉ុន្តែជិតចប់តង់ទីមួយ ខ្សែបម្រើប្រយុទ្ធ កែវ សុខផេង រកបានមួយគ្រាប់តាមស្មើវិញ ១-១។ ជិតចប់ការប្រកួតទៅហើយ ពោលគឺក្នុងនាទីបន្ថែមចុងក្រោយ កីឡាករ ឯម ផាន់ណា រកបានមួយគ្រាប់ទៀតឲ្យក្រុមគីរីវង់សុខសែនជ័យ យកឈ្នះភ្នំពេញក្រោន ២-១។
ចំណែកមួយគូទៀត ក្រុមខ្លាំងស្វាយរៀង អេហ្វស៊ី បានយកឈ្នះក្រុម Cambodian Tiger ដោយលទ្ធផល ៣-០។ បីគ្រាប់របស់ស្វាយរៀង រកបានដោយកីឡាករ Atuheire Kipsonពីរគ្រាប់ និងប្រធានក្រុម ប្រាក់ មុន្នីឧត្តម មួយគ្រាប់៕
តារាងត្រឹមសប្ដាហ៍ទី១៨
No comments:
Post a Comment